Асықата кентінде ашылған «Мырзашөл» ақпараттық-білім беру орталығының құрылтайшысы - Нұр-Сұлтан қаласындағы «Зерттеуші» Республикалық ғылыми-білім беру орталығы» жекеменшік мекемесі.
2019 жылдың 13 шілдесінен бастап Қазақстан Республикасы Ақпарат және қоғамдық даму министрлігінің қолдауымен «Азаматтық бастамаларды қолдау орталығы» коммерциялық емес акционерлік қоғамының мемлекеттік гранты аясында Түркістан облысының Жетісай ауданындағы Асықата кентінде «Мырзашөл» Ақпараттық-білім беру орталығы өз жұмысын бастады, деп хабарлайды ERNUR.KZ.
Қазақстан Республикасы Ақпарат және қоғамдық даму министрлігінің қолдауымен Асықата кентінде ашылған «Мырзашөл» ақпараттық-білім беру орталығының мамандары жұмыс күші артық өңірлерден шыққан жастарға жоғары және жоғары оқу орнынан кейінгі, техникалық және кәсіптік білім беруге бағытталған «Мәңгілік ел жастары – индустрияға!» («Серпін») жобасы бойынша ақпараттық кеңес беру жұмыстарын жүргізіп жатыр.
Сонымен қатар, аудандағы жас отбасылар мен мамандығы бар, бірақ, жұмымсыз жастарды жұмыс күші тапшы өңірлер саналатын Ақмола, Ақтөбе, Атырау, Шығыс Қазақстан, Батыс Қазақстан, Қарағанды, Қостанай, Павлодар және Солтүстік Қазақстан сынды облыстарға жұмысқа орналастырумен айналысады.
Сонымен қатар талапкерлер мен ата-аналарға қызмет тегін қызмет көрсететін орталықта тұрғындардың білім-ғылым, құқықтық мәселелері бойынша да кеңестер беріледі.
Айта кетейік, аталмыш орталықтың ашылуына Нұр-Сұлтан қаласындағы «Зерттеуші» Республикалық ғылыми-білім беру орталығы» жекеменшік мекемесі мұрындық болып отыр.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
