Әйел артық салмағының арқасында ажалдан аман қалды

ERNUR.KZ. Жаңа Зеландияның тұрғыны жол көлік апатынан өзінің қарынының арқасында аман қалды, деп хабарлайды ktk.kz.

30 жастағы Моника Мэттьюс (Monique Matthews) үшінші жүктіліктен кейін 12 кг салмақ қосып алған. 2018 жылдың 5 қазанында ол достарымен концертке бара жатқан кезде олар мінген автокөлік автобусқа соғылады.

Оны құтқарушылар көліктен шығарып алған. Ал ауруханада дәрігерлер оның өзінің қарынының арқасында аман қалғанын айтқан. Белбеу оның ішін тіліп жіберген, Қабырғасы сынған. Бірақ ішіндегі май соққыны жеңілдеткен. Ол ауруханада бір ай жатып, төрт ота жасатқан. Дәрігерлер оның ішіне 40 тігіс салған.