Алдағы екі күнде жерді ең жоғары деңгейдегі магнит дауылы басады

0
347

Бір күн бұрын Күнде X1,8 деңгейіндегі алау пайда болды.


Алдағы екі күнде жерді ең жоғары деңгейдегі магнит дауылы басады

Фото: freepik.com

ERNUR.KZ. Күн астрономиясы зертханасы жерді ең жоғары, бесінші G5 деңгейіндегі магнит дауылы басып қалуы мүмкін екенін ескертті, деп жазады stan.kz.

Ғалымдардың айтуынша, оның әсері алдағы екі күнге созылуы мүмкін. Бір күн бұрын Күнде X1,8 деңгейіндегі алау пайда болды. Ол 10 қазанда Жерге жетеді дейді.

"Жақында рекордты жаңартқан X9.1 алауынан кейін геомагниттік болжамның беделі аздап төмендегенімен, бұл жолы одан құтылу мүмкін емес. Плазма бұлты өте үлкен. Ал ені барлық мүмкін болатын өлшеу қателерінен асып түседі", – деп жазды астрономдар.

Магнит дауылының қарқыны әлсізден өте күштіге дейін өзгеруі мүмкін. Өйткені плазмалық бұлт тығыздығы мен жылдамдығы бойынша біркелкі емес құрылымға ие. Алдағы екі күнде, ең жоғары, бесінші деңгейдегі магнит дауылы болуы мүмкін.

Ең ықтимал сценарий үш күнге созылуы мүмкін G4 дауылдарын қамтиды. Қазақстан уақыты бойынша сағат 13:00-де плазмалық бұлт планетаны жабады деген болжам бар.

Айта кетейік, бұған дейін Жерге қуатты магнит дауылы жақындап келе жатқаны айтылған еді. Ресей Ғылым академиясының Күн астрономиясы зертханасы қазақстандықтар оның салдарын 11 және 12 қазан күндері сезінуі мүмкін екенін мәлімдеген.