Әзербайжанда электр көлігі туралы ақпараттарды ұсыну міндеттеледі

06.12.2024 11:48

218

Әзербайжандық сарапшы Рауф Агамирзаев бұл бастамалар операторларға, соның ішінде Bolt, Wingz, Apar және т.б. қоса алғанда, микромобильді көліктерді жалға беретін компанияларға көбірек қатысты деп санайды.

Фото: Ағыбай Аяпбергенов / Kazinform

ERNUR.KZ. Әзербайжан үкіметі мемлекеттік жүйелерге шағын электр көліктері операторларынан оларды пайдалану туралы толық мәліметтерді, сондай-ақ операторлар туралы ақпарат ұсынуды талап ететін жаңа ереже бекітті, деп жазады inform.kz.

Жаңа ережеге сәйкес, шағын көлемді электромобильдер операторлары заңды тұлғаның атауын, салық төлеушінің немесе жеке кәсіпкердің ЖСН-ін, сондай-ақ өндірушілер мен операторлар ІІМ Мемлекеттік Жол полициясының бас басқармасына және Әзербайжанның цифрлық даму және көлік министрлігіне берген сәйкестендіру деректерін ұсынуға міндетті.

Сонымен қатар, операторлар жеке куәлік нөмірі, жөнелту орны және баратын жері, уақыты мен күні, бағыты және жылдамдығы сияқты деректерді ұсынуға міндетті.

Бұл қадамдар қауіпсіздік пен пайдалану стандарттарының сақталуын қамтамасыз ете отырып, шағын электр көліктерінің мониторингі мен бақылауын күшейтуге арналған Жол қозғалысы туралы Заңның 46-2-бабына сәйкес келетіні айтылды.

Мамандар ереже қалалық жол жүру ережесін басқаруды күшейтеді, тұрақты көлік бастамаларын қолдайды және қауіпсіздікті арттырады деп санайды.

Оның айтуынша, былтырғы статистика бойынша Әзербайжанда тұрғындардың 60%-ға жуығы қысқа қашықтыққа – 1,5-тен 3 шақырымға дейін автокөлікпен, негізінен таксимен жүріп өткен. Микромобильдік жолдар мен веложол желілерінің кең тарауына байланысты бұл пайыз төмендеді.

– Микромобильділік – Баку үшін жаңалық. Адамдардың осы құралдармен саяхаттауға мүмкіндігі болса, бұл қалалық көлік жүйесіне оң әсерін тигізеді, - деп түйіндеді ол.