Бұл туралы 19 қаңтарда өткен SAGE отырысының қорытындысында айтылды.
ERNUR.KZ. Дүниежүзілік денсаулық сақтау ұйымының (ДДСҰ) иммундау жөніндегі стратегиялық консультативтік тобы (SAGE) 5-11 жас аралығындағы балаларға Pfizer/BioNTech вакцинасын салуға рұқсат берді, деп жазады Tengrinews.kz
Бұл туралы 19 қаңтарда өткен SAGE отырысының қорытындысында айтылды.
Мәлімдемеге сәйкес, ДДСҰ консультативтік тобы 5-11 жас аралығындағы балаларға Pfizer/BioNTech вакцинасының қолданысын кеңейтуді ұсынды. Балаларға 10 микрограмға дейін азайтылған доза ұсынылады, бұл 12 жастан асқан балалардың дозасынан үш есе аз.
Сонымен қатар, ДДСҰ консультативтік тобы қауіп тобына жататын адамдарға, мысалы, қарттар немесе медицина қызметкерлеріне алғашқы екпеден 4-6 ай өткен соң коронавирусқа қарсы бустерлі вакцинацияны ұсынды.
ДДСҰ иммундау бөлімінің басшысы Кейт О'Брайен консультативтік топтың шешімдеріне түсінік бере отырып, ұйымда балаларға коронавирусқа қарсы вакцинаның бустерлі дозасы қажет екені туралы ешқандай дәлел жоқ екенін атап өтті.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
