Құтқарушылар қирандылар астында қалғандарды іздеу жұмыстарын жалғастырып жатыр.
Фото: Aljazeera
ERNUR.KZ. Филиппиннің Анхелес қаласында салынып жатқан көпқабатты ғимарат құлап, қайғылы жағдай болды. Қазіргі мәлімет бойынша, үш адам қаза тауып, 17 адам із-түзсіз жоғалды, деп жазады inbusiness.kz.
Құтқару жұмыстары қиындап тұр, себебі ғимараттың қалған бөліктерінің де құлау қаупі бар. Сол себепті іздеу жұмыстары көбіне қолмен жүргізілуде.
Тепловизор құрылғыларының көмегімен қирандылар астында адамдардың бар екені анықталып, құтқару жұмыстары жалғасып жатыр.
Билік апаттың себебін анықтау үшін тергеу бастады. Ал құтқарушылардың қауіпсіздігі іздеу қарқынына әсер етіп отыр.
