Қытайда апатқа ұшыраған Boeing ұшағының барлық жолаушысы мен экипажы қаза тапқаны хабарланды

ERNUR.KZ. Қытайда апатқа ұшыраған Boeing 737-нің барлық 123 жолаушысы мен тоғыз экипаж мүшесі қайтыс болды, - деп жазады Tengrinews.kz.

Мамандар апатқа ұшыраған ұшақтың бортындағы 120 адамды ДНҚ арқылы анықтай алғаны хабарланды.

Еске салайық, China Eastern Airlines әуекомпаниясының Boeing 737 жолаушылар ұшағы 21 наурызда ҚХР Гуанси-Чжуан автономиялық ауданындағы Учжоу қалалық округінің Тэн уезінде апатқа ұшырап, орманда өрт шыққан болатын. Азаматтық авиация басқармасы апатты растады, бортта 132 адам - 123 жолаушы және тоғыз экипаж мүшесі болған.

24 наурызда құтқарушылар апатқа ұшыраған Boeing-тің алғашқы қара жәшігін тапты.