​Мьянма жағалауында тағы да жер сілкінді

0
163

Кейінгі мәліметтер бойынша Мьянмадағы жер сілкінісінен қаза тапқандар саны 2 800-ден асты.


​Мьянма жағалауында тағы да жер сілкінді

Фото: Анадолы

ERNUR.KZ. Жер сілкінісі туралы Еуропа-Жерорта теңізі сейсмологиялық орталығы хабарлады, деп жазады inform.kz.

Агенттік мәліметінше, жер сілкінісінің ошағы 4,5 миллионға жуық адам тұратын Янгон қаласынан оңтүстікке қарай 142 шақырым жерде жатыр. Жер сілкінісінің ошағы 10 км тереңдікте орналасқан.

Құрбан болғандар туралы ақпарат жоқ.
Айта кетейік, Қытай жер сілкінісі ұлттық орталығының (CENC) мәліметінше, 28 наурыз күні сағат 14:20-да Мьянмада (солтүстік ендік 21,85 градус, шығыс бойлық 95,95 градус) магнитудасы 7,9 болатын жер сілкінісі тіркелген. Жер сілкінісінің ошағы 30 шақырым тереңдікте орналасқан.
Осыған дейін Мьянмадағы Мандалай маңында магнитудасы 5,1 балдық жер сілкінісі болғанын хабарладық,
Мьянма премьер-министрі бір апталық ұлттық аза тұту жариялады.
Кейінгі мәліметтер бойынша Мьянмадағы жер сілкінісінен қаза тапқандар саны 2 800-ден асты.