Өзбекстан Ауғанстанға тағы да гуманитарлық көмек жіберді

0
1 084

Бұның алдында, 14 қыркүйекте, Өзбекстан Ауғанстанға 1300 тонна гуманитарлық көмек берген.


Өзбекстан Ауғанстанға тағы да гуманитарлық көмек жіберді

ERNUR.KZ. 23 желтоқсанда Өзбекстан үкіметі Ауғанстанға гуманитарлық көмегінің тағы бір партиясын жолдады, деп жазады centralasian.org.

"Азық-түлік, киім-кешек және көмір тиелген 63 вагоны бар тағы бір пойыз Термездегі Айритом шекара бекеті арқылы Ауғанстанның Мазари-Шариф қаласына жөнелтілді", - делінген Сұрқандария облысының әкімдігі таратқан мәлімдемеде.

Бұның алдында, 14 қыркүйекте, Өзбекстан Ауғанстанға 1300 тонна гуманитарлық көмек берген. Онда да азық-түлік, дәрі-дәрмек және киім-кешек болды.

15 желтоқсанда БҰҰ-ның босқындар ісі жөніндегі Жоғарғы комиссары басқармасы екі жүк көлігіне тиелген алғашқы көмекті Термез арқылы Ауғанстанның Мазари-Шариф қаласына жөнелткенін хабарлаған.

Қазан айының ортасында БҰҰ Ауғанстанға арналған гуманитарлық көмегін Өзбекстан арқылы жолдайтыны мәлім болды.