Өзбекстан сұйытылған газды экспорттауға толықтай тыйым салды

0
644

2023 жылғы 1 наурызына дейін сұйытылған газбен жүретін және мемлекеттік органдарға тиесілі көліктер бензинге көшеді.


Өзбекстан сұйытылған газды экспорттауға толықтай тыйым салды

ERNUR.KZ. Елде энергиямен қамтамасыз етуге байланысты қиындықтар туғандықтан, сұйытылған газды экспорттауға тыйым салынды, деп жазады inbusiness.kz.

2023 жылғы 1 наурызына дейін сұйытылған газбен жүретін және мемлекеттік органдарға тиесілі көліктер бензинге көшеді. Бұл туралы Президент Әкімшілігі басшысының төрағалығымен өткен кеңесте мәлім болды.

Билік мынандай қосымша шаралар қабылдау туралы шешім қабылдады:

  • барлық өндірушілер мен саудагерлерге сұйытылған газды экспорттауға тыйым салынады;
  • халықты табиғи газбен қамтамасыз ету мүмкін болмаған жағдайларда сұйытылған газ жеткізіледі;
  • су ресурстары министрлігі жүйесіндегі сорғы станцияларына электр энергиясын берудегі уақытша шектеулерді жыл соңына дейін ұзарту;
  • бензиннің, сондай-ақ бензин мен дизель отынын өндіруге арналған шикізаттың импортын арттыру;
  • АИ-80 маркалы бензиннің биржадағы саудасына делдалдық компаниялардың қатысуына жол бермеу;
  • АИ-80 маркалы бензиннің импортына акцизді және оны бөлшек саудада өткізуге акцизді есептеу және алу екі ай мерзімге тоқтатылды;
  • биржада сатылатын АИ-80 маркалы бензиннің тәуліктік көлемі ұлғайтылады.

Сондай-ақ, 2023 жылғы 1 наурызға дейін сұйытылған газбен жүретін және мемлекеттік органдарға тиесілі көліктер бензинге көшеді.