Өзбекстанда сел кезінде құбырға тығылған екі әйел қаза тапты

ERNUR.KZ. Өзбекстанда Наманган облысындағы Қамшық асуында сел салдарынан екі әйел қаза тапты, деп жазады tengrinews.kz.

Төтенше жағдайлар басқармасының мәліметінше, 7 шілдеде 23 жастағы екі әйел М-39 тасжолының маңында сиыр сауу үшін тауға шыққан.

Шамамен сағат 19:20-дан 19:27-ге дейін қатты жаңбыр жауған. Одан қашқан әйелдер диаметрі 1200 миллиметр, тасқын суын ағызу үшін жасалған темір құбырға көтерілген.

Осы кезде көлемі шамамен 40-50 текше метр сел жүріп, әйелдерді құбыр бойымен 400 метрдей сай бойымен алып кеткен. Олардың денелері сайды су тасқынынан тазарту кезінде табылған.