Ресей президенті Владимир Путин Қауіпсіздік кеңесінің жоспардан тыс отырысын өткізеді.
ERNUR.KZ. Бұл туралы оның баспасөз хатшысы Дмитрий Песков мәлімдеді, деп жазады Tengrinews.kz.
Кремль өкілі Путиннің сөзі ашық режимде көрсетілетінін баса айтты. Песков кейінірек есеп беруге уәде беріп, кездесу тақырыбын айтудан бас тартқан.
Оның айтуынша, Путин бүгін телефон арқылы бірнеше халықаралық әңгіме жүргізеді.
Айта кетейік, 20 ақпанда Франция президенті Эммануэль Макрон Владимир Путинмен телефон арқылы сөйлескен болатын. Тараптар "норманд форматында" кездесуге келіскен. Осыдан кейін Макрон Украина мен АҚШ президенттері Владимир Зеленский мен Джо Байденге, одан кейін Путинге тағы телефон соқты. 21 ақпанға қараған түні Байден мен Путиннің саммитке қатысуға келіскені белгілі болды.
