Құжатта тұжырымдама мақсаттарына қол жеткізу үшін бірқатар міндетті шешу қажет екені айтылған.
Фото: Энергетика министрлігі
ERNUR.KZ. Ресейде жасанды интеллект (ЖИ) жүйелерімен өзара әрекеттесу ережелерінің тізбесі әзірленеді. Бұл Ресей үкіметі бекіткен азаматтардың цифрлық сауаттылық деңгейін арттыру тұжырымдамасынан белгілі болды, деп жазады inform.kz.
Құжатта тұжырымдама мақсаттарына қол жеткізу үшін бірқатар міндетті шешу қажет екені айтылған. Олардың қатарында ЖИ жүйелерімен өзара әрекеттесу жөніндегі арнайы ережелер тізбесін әзірлеу бар.
Атап айтқанда, ережелер контентті дипфейк белгілерінің бар-жоғына тексеру әдістерін, сондай-ақ биометриялық және басқа да дербес деректерді машиналық оқыту алгоритмдеріне беру кезінде тәуекелдерді барынша азайту шараларын қамтиды.
Бұған дейін Қытайда ЖИ-ді теріс пайдаланғаны үшін жауапкершілік енгізілгені туралы жазылған болатын.
