Тәтті тортты дайындауына көп уақыт кеткенімен, шаймен ішкенде шаршағаныңды ұмытып кетесің. Сіз де өте дәмді әрі тез дайындалатын тортты жасап көріңіз.
Қажетті қоспалар:
- 150 гр. печенье
- 50 гр. сары май
- 8 гр. желатин
- 150 гр. банан
- 60 гр. қойылтылған сүт
- 200 гр. кілегейлі ірімшік
- 75 гр. кілегей
- 150 гр. құлпынай
- 40 гр. қант
- 40 гр. су
- 2 гр. желатин
- 0,5 шай қасық лимон шырыны
- 150 гр. құлпынай
Дайындалу тәсілі:
- Бананды шанышқымен езіп аламыз. Сосын печеньені ұнтақтап, 50 гр. сары маймен араластыру керек.
- Дайын күлше араласпасын формаға салып, үстінен басып тегістейміз.
- Банан езбесін табаққа салып, оған кілегейлі ірімшікті қосып, екеуін жақсылап араластырамыз. Сосын 60 грамм қойылтылған сүт қосып, суға ерітілген желатинді де саламыз.
- Кілегейді миксермен барынша көпіршітіп, банан езбесіне саламыз. Сөйтіп барлығын қасықпен жай ғана араластыру керек.
- Құлпынайды ортасынан кесіп, тоңазытқышқа салынған форманың жан-жағына айналдыра саламыз.
- Ортасына кілегей массасын құйып, бетін тегістейміз.
- Қалған желатинді де суға салып ерітіп, құлпынайды дөңгелектеп тураймыз. Құлпынай мен желатинді араластырып, торттың бетіне саламыз. Қалған сиропты да құйып жіберуге болады. Осылайша дайындалған тортты 2-3 сағат тоңазытқышқа салып қою керек.
- Дайын тортты кесіп жей беруге болады. Астарыңыз дәмді болсын!
Дайындаған: Қ.Өмірзаққызы,
ТАҒЫ ДА ОҚЫҢЫЗ:
![Мбаппе](/assets/thumbnails/80/8074ae0cbfd24f4313322f3bc60f5aa6.jpeg "Мбаппе "Алтын бутсы" иегері атанды")
![](/assets/thumbnails/b4/b4e34907b1637d43723ef3d684c11f52.jpg ""Балама бес секундымды қимадым": жас ана баласына көбірек көңіл бөлмегеніне өкінеді")
