Олардың жеке орындары мен медициналық жабдықтары жоқ.
ERNUR.KZ. Астанада 179 мың адамға қызмет көрсететін екі ірі міндетті медициналық сақтандыру ұйымы тексерілді. Олардың жеке орындары мен медициналық жабдықтары жоқ болып шықты, деп жазады sputnik.kz.
“Ұлттық қор қаражаты жүйелі түрде игерлімей отыр. Аудит жүргізілетін кезеңде кепілдендірілген және нысаналы трансферттер шеңберінде 50 млрд теңгеден астам қаржы бөлінген. Алайда 13 млрд теңге немесе 26%-ы игерілмеген. Астанада МӘМС шеңберінде екі ірі қызмет көрсетушіге бақылау тексерісі жүргізілді, оларға 179 мың адам бекітілген. Бірақ олардың жеке орындары мен медициналық жабдықтары жоқ. Оларды сағаттап жалға алып отырған жағдайлар да кездеседі”, - деп хабарлайды Жоғарғы аудиторлық палатаның баспасөз қызметі.
Бұл қызмет көрсетуші ЖШС-лардың бірқатар клиникасында жекелеген қызмет түрлеріне лицензиялары және өздігінен қозғала алмайтын азаматтарды қабылдауға арналған пандустары жоқ.
