Қауымдастықтың вице-президентінің пікірінше, 2022 жылы көлік сатуда 20% өсім деңгейінде сақталады.
ERNUR.KZ. Биыл қаңтар-наурызда ел тұрғындары 22 мыңнан аса жаңа көлік сатып алды. Бұл туралы Қазақстан автобизнес қауымдастығының вице-президенті Анар Мақашева айтты, деп жазады inbusiness.kz.
Ол былтыр ресми дилерлер 117 мыңнан аса жаңа көлікті сатқанын, нарықтағы автомобильді сату өсімі 26% болғанын атап өтті.
"2020 жылы пандемияға қарамастан көлікті сатуда өсім байқалды... Отандық көлік өндірісіндегі өсім – 20%. 2022 жылғы қаңтар-наурызда автомобильді сатуда өсім байқалды. Мысалы, наурызда өсім 26,8% болды. Биыл қаңтар-наурызда қазақстандықтар 22 293 жаңа көлікті сатып алды", - деді Анар Мақашева ОКҚ-де өткен баспасөз мәслихатында.
Қауымдастықтың вице-президентінің пікірінше, 2022 жылы көлік сатуда 20% өсім деңгейінде сақталады.
"Ресми импорттаушылардың болжамына сүйенсек, биыл жаңа көліктерді сату көрсеткіші 117 мыңнан асуы ықтимал. Біз өсім 20% деңгейінде сақталады деп болжаймыз. Бұл көптеген ресми өндірушінің логистика мәселелерді шешуі, логистикалық жолдардың өзгеруі, жеткізушілердің ауысына байланысты", - деді вице-президент.
