Көлік тізгінінде 62 жастағы ер адам отырған.
Фото: Видеодан алынған кадр
ERNUR.KZ. Қытайдың оңтүстігіндегі Чжухай қаласында ер адам көлікпен көпшілікке соғылып, 35 адам қаза тапты. 43 адам ауыр жарақат алған, деп жазады inform.kz.
Оқиға 11 қараша, дүйсенбі күні кешке спорт орталығының жанында болған. Қайғылы жағдай кезінде ол жерде серуендеп және спортпен шұғылданып жүрген адам көп болған. Жарақат алғандар арасында қарт адамдар, жасөспірімдер және балалар бар.
Көлік тізгінінде 62 жастағы ер адам отырған. Ол қылмыс орнынан қашып кетуге тырысқан кезде құқық қорғаушылар оны ұстап алған.
Полиция қызметкерлері ер адамның көлікте отырғанда өзіне пышақ жарақаттарын салғанын анықтап, оны бірден ауруханаға жеткізді.
ВВС-дің хабарлауынша, ер адамның әрекетіне ажырасқаннан кейінгі мүлікті бөлумен байланысты наразылықтар себеп болуы мүмкін.
Күдіктіге қатысты қылмыстық іс қозғалған.
![](/assets/thumbnails/8a/8ab29b1086dbccae173d4a9ea4cf6b25.jpg ""Жас қыздың жетегінде жүр": күйеуі опасыздық жасаған келіншек не істерін білмей жүргенін айтты")
