8 айда Қазақстаннан 18 мыңнан астам адам кеткен

13.10.2022 15:49

502

Көші-қонның негізгі алмасуы ТМД мемлекеттерінің арасында.

ERNUR.KZ. Ұлттық статистика бюросының мәлімдеуінше, 2022 жылғы қаңтар-тамызда елімізден 18 275 адам кетті, тұрғылықты тұруға келген 9 595 адам тіркелді, ал көші-қон айырымы тағы 8 680 адамға кем болды, деп жазады zakon.kz.

Көші-қонның негізгі алмасуы ТМД мемлекеттерінің арасында. Онда кеткендер мен сол жақтан келгендердің көшіп-қонушылардың жалпы санынан үлесі 85,1% және 84,4% болды.

Статистиктердің мәліметінше, ел ішінде қоныс аударатын көшіп-қонушылар саны 2,1%-ға кеміді.

Өңіраралық қоныс аудару бойынша халық көші-қонының оң айырымы еліміздің 3 өңірінде байқалды: Алматы (24 711 адам), Астана (22 960 адам) және Шымкент (2 154 адам) қалаларында.