Ақтауда білім басқармасының экс-басшысы мен мектеп директорлары жемқорлық үшін сотталды

Кәсіпкер оқушыларды тамақпен қамтамасыз ету үшін үш мектеппен келісім-шарт жасасқан. Көрсетілген қызметтерге келісімге кедергісіз қол қою, қаражатты тез аудару және жалпы қамқорлық үшін ол бірнеше рет лауазымды адамдарға - сол кездегі білім басқармасының басшысына (Б.-ға 4 млн теңге) және үш мектеп директоры (С.-ға 800 мың теңге, Н.-ға 2 млн теңге және Е.-ге - 1 млн теңге) пара берген. Аталған тұлғалар ақшадан бас тартпаған.

Сотталушылардың кінәсі куәгерлердеің жауаптарымен, сараптама қорытындыларымен, қарап-тексеру хаттамасымен және басқа да іс-құжаттарымен дәлелденді.

Сот айыпталушылардың өз әрекетіне шын жүректен өкінгенін, жеке кәсіпкер мен мектеп директорларының бірінің кішкентай балаларының болуын есекере отырып, олардың жауапкершілігі мен жазасын жеңілдетті. Ауырлататын мән-жайлар анықталмады.

“Сот үкімімен Б. мен Н.-ға қылмыстық кодекстің 366-бабы, 2-бөлігімен 5 жылға бас бостандығынан айыру жазасы тағайындалды. С. дәл осы бап бойынша 4,5 жылға сотталды. Е. қылмыстық кодекстің 366-бабы 2-бөлігімен кінәлі деп танылып, оған қылмыстық кодекстің 55-бабы 2-тармағына сәйкес 40 миллион теңге (параның 40 еселенген мөлшерінде) айыппұл салынды. Кәсіпкер қылмыстық кодекстің 367-бабы 3-бөлігінің 3-тармағымен 7 жылға сотталды”, – делінген хабарламада.

Сотталғандар өмір бойына мемлекеттік қызметте лауазымдарды атқару құқығынан айырылады. Үкім заңды күшіне енген жоқ.