Алматы көшелерінің атауы қазақшаланып келеді
Фото: ашық дереккөзден
Алматыда 160-тан аса көшенің жаңа атауы бекітілді. Бұл туралы мәслихат сессиясы барысында белгілі болды, деп хабарлайды ERNUR.KZ қала әкімдігінің баспасөз қызметіне сілтеме жасап.
Алматы мәслихатының сессиясы барысында Алатау және Бостандық аудандарындағы бірнеше көшенің жаңа атауы бекітілді.
"Көше атауларын өзгертудің бірден-бір себебі - олардың қайталана беретіні", - деп түсіндірілген хабарламада.
Алматыда жаңа атаулар бекітілген соң қалада қазақ әдебиетінің қос майталманы Әбіш Кекілбаев, Фариза Оңғарсынова атындағы көшелер пайда болды.
Еске сала кетейік, биыл мамыр айында Алматы мәслихатының комиссиясы 164 көшенің атауын өзгертуді ұсынған болатын.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
