Олар Құмбел шыңынан табылды.
ERNUR.KZ. 15 тамызда үш жасөспірім таңертең тауға шығып, сағат 18.30-да ата-аналарына төмен түсіп бара жатқанын хабарлаған, содан кейін телефон байланысы өшіп қалған, деп жазады Inbusiness.kz.
Сағат 00.15-те ТЖМ құтқарушыларына жас жігіттердің бірінің әкесі қоңырау шалды.
Туристер тобын іздеуге ТЖМ Республикалық жедел-құтқару жасағының жедел тобы шықты. Сағат 4:35-те жасөспірімдер тобының бірі әкесіне адасқандары туралы хабарлама жазып, геолокацияны жіберді. Іздеуге туыстары қосылды. Сағат 08:25-те ТЖМ құтқарушылары Күмбел шыңынан балаларды аман-есен тауып алды. Ешкім медициналық көмекке мұқтаж болған жоқ. Жасөспірімдердің бірінің әкесі құтқарушыларға жұмысы үшін алғысын білдірді.
"Тауға бір күнге болса да баратын туристерге ТЖМ құтқарушылары таулардағы қауіпсіз жүріс-тұрыс шараларын мұқият зерделеуді ұсынады: тауға жалғыз бармаңыз, туыстарыңыз бен жақындарыңызға маршрутыңыз бен қайту уақытыңыз туралы ескертуді ұмытпаңыз. Ыңғайлы киім мен аяқ киім таңдаңыз. Өзіңізбен бірге алып жүру керек нәрселердің ішінде: жылы заттар, ұялы телефонға арналған қосымша қуат көзі, су өткізбейтін пакетте фонарь мен сіріңке болуы керек. Сондай-ақ, өзіңізбен бірге GPS навигаторы болған жөн", делінген ТЖМ хабарламасында.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
