Іздестіріліп жатқан қыздардың бірінің жасы 14-те, екіншісі 16-да.
Фото: Kazinform
ERNUR.KZ. Алматыда екі тәрбиеленуші балалар үйінен қашып кеткен, деп жазады inform.kz.
Волонтерлер мәліметінше, іздестіріліп жатқан қыздардың бірінің жасы 14-те, екіншісі 16-да. Алматы қаласының полиция департаменті балалар мекемесінен екі тәрбиеленушінің өз бетімен кетіп қалу дерегі бойынша Бостандық аудандық полиция басқармасы іздестіру ісін қозғағанын хабарлады.
— Бұған дейін де кәмелетке толмағандар мекемеден бірнеше рет кетіп қалған, әр жолы олар полиция қызметкерлерінің күшімен табылып, қайтарылған. Қазіргі уақытта олардың қайда екенін анықтауға бағытталған жедел-іздестіру шаралары кешені жүргізіліп жатыр, — деп хабарлады департаменттен.
Сонымен қатар қалалық полиция осыған ұқсас жағдайлар бойынша мекеме басшылығымен профилактикалық және түсіндіру жұмыстары бұған дейін де жүргізілгенін мәлімдеді
— Тәрбиеленушілерге бақылауды күшейту қажеттігі ескертілген, — деп хабарлады полиция.
![](/assets/thumbnails/5a/5ac481ae6e4adfa8dca47dca9f731135.jpg ""Бүгінгі заманның «Тайлағы»": бойжеткен танысуға келген жігіттің қылығын жайып салды")
