Алматыда қайтыс болған әйел алты адамның өмірін құтқарды

0
86

Донордың жасына қарамастан, дәрігерлер ағзалардың жақсы күйде екенін және олардың одан әрі жұмыс істеу мүмкіндігін мәлімдеді.


Алматыда қайтыс болған әйел алты адамның өмірін құтқарды

фото: Пресс-служба Министерства здравоохранения РК

ERNUR.KZ. Алматыда қайтыс болған адам алты адамға донор болды, деп жазады sputnik.kz.
1962 жыы туған науқас Алматы қаласының орталық қалалық клиникалық ауруханасында көз жұмған. Донордан мультиағзалық органдар алу жүргізілді, дейді министрліктегілер.

Донор туыстарының келісімінің арқасында бірден бірнеше өмірлік маңызды ағзаны трансплантаттауға мүмкіндік туды:

жүрек – 1988 жылы туған пациентке;
бауыр – 1982 жылы туған пациентке;
оң бүйрек – 1996 жылы туған пациентке;
сол жақ бүйрек – 2017 жылдың қазан айынан бастап трансплантаттауды күткен 1966 жылы туған пациентке;
мөлдір қабық – 1983 және 1956 жылы туған пациенттерге трансплантталды.

"Донордың жасына қарамастан, дәрігерлер ағзалардың жақсы күйде екенін және олардың одан әрі жұмыс істеу мүмкіндігін мәлімдеді. Бұл өмірді сақтап қалуға келгенде жастың кедергі емес екенін тағы бір рет растайды", - дейді денсаулық сақтау министрлігіндегілер.

Республикалық орталық донордың отбасына олардың батыл шешімі үшін, сондай-ақ үйлесімді жұмысы аса күрделі процесті жоғары деңгейде жүргізуге мүмкіндік берген медицина мамандарына зор ризашылығын білдіреді, деп жазды министрліктегілер.