Алматыда ұлттық біліктілік тестін тапсырып жатқан мұғалім қайтыс болды

ERNUR.KZ. Алматыдағы көлік және логистика академиясында бір адам қайтыс болды. Ол - ұлттық біліктілік тестін тапсыруға келген мектеп мұғалімдерінің бірі, деп жазады ҚазАқпарат.

Бұл туралы ақпарат әлеуметтік желіде тараған.

Куәгердің айтуынша, тест кезінде бір мұғалімнің жағдайы нашарлап құлап қалған. Ол жедел жәрдем келіп үлгергенше көз жұмды.

Алматы қалалық полициясы департаментінің ресми өкілі Салтанат Әзірбек аталған деректі растады.

«Кісі өлімі фактісі Алмалы аудандық полиция басқармасында тіркелді. Қазіргі уақытта сот-медициналық сараптама тағайындалған»,- деді Салтанат Әзірбек.