Атырау облысында жоғалған жеті жастағы қыздың мәйіті өзеннен табылды

ERNUR.KZ. Атырау облысы Құлсары қаласында жеті жастағы жасөспірім өлі табылды, деп жазады ulysmedia.kz.

Желі қолданушылары қаладағы камералардың жұмыс істемейтініне шағымданып жатыр.

– Бұл елдің осындайда айыппұл салғыш камералары осы кезде қайда қарап тұрды екен?, – деп жазды олардың бірі Facebook-те.

Ведомствоның мәліметінше, полицияға Құлсарыда 2018 жылы туған жасөспірімнің 5 маусым күні сағат 12:00 шамасында үйден шығып кеткені, содан бері таба алмай жатқаны туралы хабар сағат 21:28 шамасында түскен.

– Жасөспірімнің жоғалған бағыты белгісіз болуына байланысты қаладағы барлық камера зерделеніп, аудандық төтенше жағдайлар бөлімі де жұмылдырылған. 6 маусым түнгі сағат 02:19 шамасында Құрсай өзенінен жасөспірімнің өлі денесі табылды. Сараптама тағайындалды, – делінген полиция таратқан хабарламада.