Атырау облысында бір күнде жол-көлік оқиғасы салдарынан 5 адам опат болды.
Фото: atpress.kz
ERNUR.KZ. Атырау облыстық полиция департаментінің баспасөз қызметінің хабарлауынша, қайғылы оқиғалардың бәрі 15 сәуір күні болған. Жол қозғалысы қауіпсіздігін қамтамасыз ету мақсатында жол сақшылары тәулік бойы қызмет атқарып, үнемі түсіндірме жұмыстарын жүргізіп келеді. Дегенмен, жүргізушілер тарапынан жол қозғалысы ережелерінің өрескел бұзылуы салдарынан тас жолдарда жол-көлік оқиғалары азаймай отыр, деп жазады inbusiness.kz.
Өкінішке орай, тек бір күннің өзінде орын алған бірнеше жол-көлік оқиғасы салдарынан 5 адам көз жұмып отыр.
"Таңғы сағат 05:45 шамасында Toyota Camry маркалы көлігі аударылып, 3 адам қаза тапты. Тағы бір жолаушы ауыр жағдайда ауруханаға жеткізілді. Сол күні сағат 15:30 шамасында Сағыз ауылында жасөспірім мотокөлікпен бағанаға соғылып, ауыр жарақат алды. Ол ауруханада көз жұмды. Ал сағат 16:40 шамасында Доссор-Құлсары тас жолының 93-шақырымында жүк және ВАЗ-2115 көліктері соқтығысып, 1 адам оқиға орнында қайтыс болды", - деп хабарлады полиция департаменттің баспасөз қызметі.
![](/assets/thumbnails/e3/e317a3eef97db5332ca036ef099a3c6a.jpg ""Жездем үйленуге ұсыныс жасады": бір рет аузы күйген келіншек не жауап берерін білмей жүр")
![](/assets/thumbnails/6b/6bb51017bdc28a64388ca8da3cdb2698.jpg ""Ағашын түбімен жұлып әкелмеді": Ерке Есмахан күйеуінің ғашықтар күніне берген сыйлығын көрсетті")
