Автогаздың 2023 жылға дейінгі шекті бағасы белгіленді

0
739

Егер осы бағадан қымбатқа газ сатылған жағдайда автогаз құю станцияларыныың басшылары жазаланады.


Автогаздың 2023 жылға дейінгі шекті бағасы белгіленді

ERNUR.KZ. Бәсекелестікті қорғау және дамыту агенттігінің төрағасы Серік Жұманғариннің 2022 жылғы 5 шілдедегі «Қазақстан аумағында автогаз құю станцияларында автокөлікке жанармай құю үшін сұйытылған мұнай газын бөлшек саудада өткізуге уақытша мемлекеттік баға реттеуді енгізу туралы» бұйрық шығарды, деп жазады Ulysmedia.kz.

Бұйрықта өңірлердегі газ бағасы белгіленген. Егер осы бағадан қымбатқа газ сатылған жағдайда автогаз құю станцияларыныың басшылары жазаланады.

Сонымен, сұйытылған мұнай газын бөлшек саудада өткізуге шекті бағалар:

Нұр-Сұлтан – 70 теңге/л;

Алматы – 65 теңге/л;

Ақтөбе, Атырау, Маңғыстау облыстары – 50-55 теңге/л;

Ақмола, Алматы, Қостанай, Қарағанды, Павлодар облыстары, Солтүстік Қазақстан, Жетісу және Ұлытау облыстарында – 70-75 теңге/л;

Шығыс Қазақстан, Батыс Қазақстан, Жамбыл, Қызылорда, Түркістан және Абай облыстарында – 60-65 теңге/л.

Бұйрық биыл 6 шілдеден бастап 2023 жылғы 1 қаңтарға дейін күшінде болады.

2022 жылдың басында газ бағасының қымбаттауы елімізде Жаңаөзеннен бастау алған қаңтар оқиғасына себеп болған еді.