Балабақшада көз жұмған 1 жасар бала: Оқиға жайлы жаңа деректер анықталды

ERNUR.KZ. Ақтауда көз жұмған бір жасар баланың өлімі жайлы жаңа деректер анықталды, деп жазады Stan.kz.

Қалалық білім беру бөілімінің қызметкерлері оқиға жекеменшік үйде болғандығын жеткізді. Сөздерінше, үйдің иесі бала күтушісі ретінде қызмет көрсетіп отырған, ал оның үйі ешқандай балабақша ретінде тіркелмеген.

Қайғылы оқиға болған 6 желтоқсан күні әйелдің қарауында көз жұмған бүлдіршінмен бірге тағы да екі бала болыпты.

"Азаматша 5 баласымен және күйеуімен бірге үш бөлмелі үйде тұрады. Оның үйі біздің бөлімде жеке балабақша ретінде тіркелмеген. Әйел басқалардың өтініші бойынша бала күтумен айналысқан", -деп хабарлады қалалық білім бөлімінің қызметкерлері.

Қала тұрғындарының сөздерінше, әйелге қарсы ешкім шағымданбапты, бұған дейін ол жақсы көрші ретінде танылыпты.