Бишімбаев университеті ашылады – ғылым министрлігі түсініктеме берді

0
164

Әлеуметтік желіде Қуандық Бишімбаевтың әкесі Уәлихан Бишімбаев Тараз қаласында университет ашады деген ақпарат тарап кетті.


Бишімбаев университеті ашылады – ғылым министрлігі түсініктеме берді

фото: ЖИ

ERNUR.KZ. Ғылым және жоғары білім министрлігі Қуандық Бишімбаевтың әкесі Уәлихан Бишімбаев университет ашады деген ақпаратқа қатысты пікір білдірді, деп жазады ulysmedia.kz.

Әлеуметтік желіде Қуандық Бишімбаевтың әкесі Уәлихан Бишімбаев Тараз қаласында университет ашады деген ақпарат тарап кетті. Онда Bishimbayev University жаңа оқу жылынан бастап жұмыс істейтіні, оның ректоры болып Уәлихан Бишімбаевтың өзі тағайындалғаны айтылады.

Ғылым және жоғары білім министрлігінің қоғаммен байланыс департаментінің директоры, баспасөз хатшысы Олжас Беркінбаев бұл ақпаратқа қатысты пікір білдірді.

Оның сөзінше, Қазақстан Республикасының «Білім туралы» Заңының 5-3-бабына сәйкес, кадрлар даярлау бағыттары мен оқыту нысандары бойынша жоғары және жоғары оқу орнынан кейінгі білім беру саласында білім беру қызметімен айналысу үшін заңды тұлғаларға лицензия және (немесе) лицензияға қосымшаны беру – ғылым және жоғары білім саласындағы уәкілетті органның құзыретіне жатады.

- Осыған байланысты, жоғары және жоғары оқу орнынан кейінгі білім беру саласындағы кез келген білім беру қызметі міндетті түрде лицензиялануға жатады. Қазақстан Республикасының «Рұқсаттар және хабарламалар туралы» Заңына сәйкес, рұқсат беру немесе хабарлама тәртібі белгіленген қызметті немесе әрекеттерді (операцияларды) жеке және заңды тұлғалардың тиісті рұқсат алмай немесе тиісті хабарламаны жібермей жүзеге асыруына жол берілмейді.

Жоғарыда айтылғандарды негізге ала отырып, министрлік «Bishimbayev University» атауымен білім беру қызметін жүзеге асыруға лицензия берілгенін жоққа шығарады, сондай-ақ «е-лицензиялау» ақпараттық жүйесінде тиісті өтінімнің болмағанын хабарлайды, дейді Беркінбаев.