Covid-19-ды емдеуге қолданылған «Фавипиравир» препараты қолданыстан алынады

ERNUR.KZ. Коронавирус инфекциясын емдеуде қолданылатын «Фавипиравир» препаратын сатып алу тоқтатылады. Мұндай шешімді еліміздің Денсаулық сақтау министрлігі қабылдаған, деп жазады inbusiness.kz.

Оған қолданыстағы КОВИД-ке қарсы клиникалық зерттеулер заңнамасына өзгерістер енгізу қажеттігі түрткі болыпты. Осыған байланысты дәрі-дәрмек жеткізуші бірыңғай дистрибьютер аталған препаратты сатып алуды тоқтатты.

Яғни, клиникалық зерттеулер аяқталмайынша «Фавипиравир» ем-дом кезінде қолданылмайды. Бұл препарат 2014 жылы тұмауды емдеу үшін Жапонияда жасалған.