"Тәжірибе неғұрлым көп болса, санат неғұрлым жоғары болса, соғұрлым көп қаражат беріледі", деді Денсаулық сақтау министрі Елжан Біртанов.
ERNUR.KZ. Денсаулық сақтау министрлігінде 2025 жылға қарай дәрігерлердің жалақысын кезең-кезеңмен 500-550 мың теңгеге дейін арттыруды жоспарлап отыр, деп жазады 7kun.kz.
«Маусым айында барлық медицина қызметкерлері, соның ішінде жедел жәрдем қызметкерлерінің жалақысын көтердік. Министрлік жағдайды қадағалайды. Біз әкімдіктерді де, кәсіподақтарды да қостық. Бұл еңбекке лайықты ақы төлеу үшін өте маңызды сәт», — деді Денсаулық сақтау министрі Елжан Біртанов.
Денсаулық сақтау министрлігінің мәліметінше, маусым айында дәрігерлердің орташа жалақысы ресми түрде 240 мың теңгені құрады.
«Бұл орта жалақы емес, орташа. Бұл ең жиі берілетін жалақы емес. Ең көп берілетін жалақы көлемі — ауданда 120-140 мың теңге, өйткені еңбек өтілі ескеріледі — тәжірибе неғұрлым көп болса, санат неғұрлым жоғары болса, соғұрлым көп қаражат беріледі. Біз басқа критерийлерді де пайдаланамыз, денсаулық сақтауды дамытудың мемлекеттік бағдарламасында дәрігердің орташа жалақысы экономика бойынша орташа көрсеткіштен 2,5 есе жоғары болуы тиіс екенін қаладық. Бұл, әрине, нарықтық баға. Бұл дәрігерлерді жоғалтпайтын жалақы деңгейі, олар жалақысы жоғары басқа елдерге кетпейді», — деді Елжан Біртанов.
Ведомствода барлық бағыттар бойынша медициналық саланы қаржыландыру үшін қаражат салынған: жедел жәрдем, ауруханалар, емханалар, дәрі-дәрмекпен қамтамасыз етуді кеңейту.
«Әрине, медициналық қызметтің негізгі өзіндік құны — адамдардың жұмысы, сондықтан 2025 жылға қарай кезең-кезеңмен арттыру жоспарланып отыр. Мұны сыртқы факторларды есепке ала отырып, санадық – орташа жалақы шамамен 500-550 мың теңге болуы тиіс. Бұл — 2025 жылға қарай ұмтылатын меже. Бұл дәрігердің орташа жалақысының экономика бойынша орташа еңбекақысына арақатынасы», — деп атап өтті министр.
Сондай-ақ, ол дәрігерлерді дайындау 10 жылға дейін созылатынын түсіндірді.
«Дайындыққа, мотивацияға және жағдай жасауға кететін шығындар өте көп. Дәрігер өзінің кәсіби міндеті аясында сыни шешім қабылдауға мәжбүр және оның жұмысын мемлекеттік қызметтердің жұмысымен салыстыруға болмайды», — деді Елжан Біртанов.
