Қазіргі кезде сақтандыру және қайта сақтандыру компанияларымен тиісті келіссөз жүргізіліп жатыр.
фото: пресс-служба Минэкологии
ERNUR.KZ. Ауыл шаруашылығы министрлігі егінді киіктен келетін залалдан сақтандыру жүйесін енгізу мәселесі бойынша сақтандыру компанияларымен келіссөз жүргізіп жатыр, деп жазады sputnik.kz.
Ауыл шаруашылығы вице-министрі Азат Сұлтановтың Қостанай облысының ауыл шаруашылығы тауарын өндірушілерімен кездесуінде фермерлер киіктің дақылдарға келтірген залалы үшін тікелей бюджеттік өтемақы енгізуді, сондай-ақ жабайы табиғат келтірген залалға қарсы өміршең сақтандыру механизмін әзірлеп, іске қосуды сұрады.
Қазіргі уақытта сақтандыру және қайта сақтандыру компанияларымен киіктің ауыл шаруашылығы дақылдары егістігіне келтіретін залал тәуекелдерін қамтитын сақтандыру өнімін әзірлеу және енгізу мәселелері бойынша келіссөз жүргізіліп жатыр.
Бұған дейін Қостанай облысындағы егістік киіктен зардап шеккені хабарланған болатын. Фермерлердің айтуынша, көптеген шаруашылық тіпті егінін жинамаған. 2026 жылы да киіктің егістікті зақымдауы салдарынан егіс алқабының көлемі айтарлықтай қысқарып жатыр.
![](/assets/thumbnails/0c/0ca9538cb2155a8649448aa762f2b0a8.jpg ""Өзіңді өзің кездесуге шақыр" техникасы")
