Электроскейтпен қызды қағып кеткен Ақтау тұрғыны түрмеге қамалды

0
317

Бала ауыр жарақат алған. Бас сүйегі сынып, миы шайқалған.


Электроскейтпен қызды қағып кеткен Ақтау тұрғыны түрмеге қамалды

ERNUR.KZ. Ақтау тұрғыны электроскейтпен тротуарда кішкентай қызды басып кеткен. Сол үшін жарты жылға түрмеге қамалды, деп жазады sputnik.kz.

Оқиға 17 сәуірде болған. Электроскейт мінген ер адам кішкентай қызды қағып кеткен. Бала ауыр жарақат алған. Бас сүйегі сынып, миы шайқалған.
Сотта Ақтау тұрғыны абайсызда денсаулыққа ауыр жарақат келтіргені үшін жауапқа тартылды. Ал Қылмыстық кодекстің 114-бабы, 3-тармағына сәйкес, осы қылмыс үшін 1 000 АЕК-ке (3 692 000 теңгеге) дейін айыппұл не сол мөлшерде түзеу жұмыстары немесе 400 сағатқа дейінгі қоғамдық жұмыстар, я болмаса, бір жылға дейiнгi мерзiмге бас бостандығын шектеу не сол мерзiмге бас бостандығынан айыру жазасы қарастырылған.
Ер адам өз кінәсін мойындады, бірақ бас бостандығынан айырмауды сұрады. Судья оны жарты жылға түрмеге отырғызуға үкім шығарды.
Сот шешімі заңды күшіне енген жоқ. Жауапқа тарталған қала тұрғыны аппеляциялық шағым бере алады.