Қатар әмірі Қазақстанға мемлекеттік сапармен келеді

0
460

Президент Қасым-Жомарт Тоқаев Қатар әмірі шейх Тамим бен Хамад Әл Тәнимен телефон арқылы сөйлесті.


Қатар әмірі Қазақстанға мемлекеттік сапармен келеді

Әңгіме басында мемлекеттер басшылары бірін-бірі қасиетті Рамазан айының басталуымен құттықтады, деп хабарлайды ERNUR.KZ Ақордаға сілтеме жасап.

Көшбасшылар Қазақстан мен Қатар арасындағы ынтымақтастықтың қазіргі жағдайын талқылап, оны одан әрі қарай дамытудың қолайлы перспективалар бар екенін атап өтті.
Тараптар өзара сауда-саттықтың оң қарқынын одан әрі сақтауға және инвестициялық жобаларды, соның ішінде банк және қаржы салаларындағы жобаларды жүзеге асыруға ниетті екенін нақтылады.
Қазақстан президенті Қатардың жетекші бизнес өкілдерін экономиканың басты салаларындағы бірлескен жобаларды іске асыруға белсене атсалысуға шақырды.
Қатар әмірі көпжақты ынтымақтастықты одан әрі кеңейтуге дайын екенін айтып, осы бағытта нақты шаралар қабылдау қажеттігін атап өтті. Шейх Тамим бен Хамад Әл Тәни Қазақстанға жасайтын мемлекеттік сапарын дайындау үшін ресми өкілдерін жіберуге ниетті екенін жеткізді.