Қазақстан АҚШ-қа Алматыда 49 жылға жалға жер береді

26.03.2025 11:22

246

Қазақстан мен АҚШ арасында стратегиялық ынтымақтастықты нығайтуды көздейді.

Фото: Александр Павский / Kazinform

ERNUR.KZ. Мәжіліс Алматы қаласында «АҚШ-тың консулдық мекемесінің үй-жайын салу үшін жер учаскесін жалға беру туралы келісімді ратификациялау туралы» заң жобасын қабылдады, деп жазады inform.kz.

"Мемлекет басшысы 2019 жылы БҰҰ-ның бас ассамблеясының 74 сессиясына қатысу қорытындысы бойынша Алматы қаласында АҚШ консулдығы мекемесін салу үшін жер беру туралы тапсырма берді. Президент тапсырмасын орындау мақсатында Нью-Йоркте 2024 27 қыркүйекте келісімге қол қойылды. Келісімнің мақсаты — АҚШ үкіметіне 7,5 гектар (70 593 шаршы метр), яғни Жамақаев көшесі, әл-Фараби даңғылы, С. Сейфуллин даңғылы және Алдаркөсе көшесінің арасында орналасқан жер учаскесін 49 жалға беру. АҚШ үкімет келісім күшіне енген күннен бастап 30 күннің ішінде жерді жалға алу ақысын бір жолғы төлеммен 25 301 016 млн АҚШ долларын төлейді", — деді Сыртқы істер министрінің бірінші орынбасары Ақан Рахметтулин Мәжілістің жалпы отырысында.

Оның айтуынша, аталған келісім Қазақстан мен АҚШ арасында стратегиялық ынтымақтастықты нығайтуды көздейді.

"Келісімнің күшіне енуі Қазақстанның саяси және практикалық мүддесіне сәйкес келеді. Біріншіден, аталған жер учаскесін жалға беру келісімінің арқасында Қазақстанға АҚШ-тың Сан-Франциско қаласында еліміздің бас консулдығын ашуға рұқсат берді. Екіншіден, АҚШ тарапымен алдын ала келісілгендей аталған заң жобасы ратификацияланғаннан кейін АҚШ тарапы Хьюстонда (Техас штаты) тағы бір Қазақстан консулдығын ашуға рұқсат береді. Үшіншіден, жаңа бас консулдықтың құрылысы оның қызметінің ұлғаюына, бизнестің дамуына, қала инфрақұрылымының дамуына және ұзақмерзімді перспективада жаңа жұмыс орындарының ашылуына ықпал етеді. Төртіншіден, америкалық және басқа да халықаралық компаниялар үшін тартымды инвестиция", — дейді ол.