Қазақстанда негізгі ұлттық бірыңғай тестілеу басталды

Жаңа ережелерге сәйкес, талапкерлер өз қалауы бойынша пәндер жиынтығын таңдай алады, бірақ өтініш бергеннен кейін олар оны өзгерте алмайды.

Биылғы талапкерлерде ҰБТ тапсыруға екі мүмкіндік бар. Ең жоғары нәтиже бойынша таңдаған ЖОО-ға грантқа түсуге үміткер болады. Бұл ретте ұлттық бірыңғай тестілеуді тапсырғаны туралы екі сертификат та жарамды бола береді.

Тестілеу форматы өзгеріссіз қалды: үш міндетті және екі бейіндік пән бойынша барлығы 120 тест тапсырмасы бар.

Қазақстан тарихы бойынша және "Оқу сауаттылығы" бөліміндегі тапсырмалар саны өзгерді.

Қазақстан тарихы бойынша қазір жиырма сұрақтың жартысы жауап нұсқаларының бірін таңдауды сұраса, қалған жартысы контекстке негізделген жауапты сұрайды.

"Оқу сауаттылығы" бойынша тест тапсырмаларының саны 20-дан 15-ке дейін қысқартылды. Талапкерлерге әрқайсысы бес тапсырмадан тұратын үш мәтін ұсынылады.

Оларға екі таңдау пәні бойынша тағы 35 тапсырма қосылды.

Министрліктің ұсынысы бойынша жауап нұсқаларының саны азайды: бір ғана жауап дұрыс болатын тапсырмаларда енді төрт жауап нұсқасы ұсынылады, ал бірнеше дұрыс жауабы бар (үштен аспайтын) сұрақтарда алты жауап нұсқасы болады.

Биылғы ҰБТ-ның бейіндік пәндер комбинациясының тізіміне "Информатика"пәні енгізілді.

"Осыған байланысты "Информатика мұғалімдерін даярлау", "Ақпараттық технологиялар", "Ақпараттық қауіпсіздік" "білім беру бағдарламаларының топтарына түсушілер "Математика-Информатика "комбинациясы бойынша ҰБТ тапсырады", - деп еске салды Ұлттық тестілеу орталығы.

Қандай ережелер өзгеріссіз қалды

Талапкер алатын ең көп ұпай саны-140. Жалпы тестілеу уақыты 4 сағатты (240 минут) құрайды. Сондай-ақ ерекше білім беру қажеттіліктері бар балалар үшін қосымша 40 минуттық уақыт беріледі.

Тестілеу орталығы атап өткендей, балда өзгеріс жоқ. "Құқық" және "Педагогикалық ғылымдар" бағыттарын таңдағандар кемінде 75 балл, "Денсаулық сақтау және әлеуметтік қамсыздандыру (медицина)" бағытындағылар – кемінде 70 балл, "Ауыл шаруашылығы және биоресурстар", "Ветеринариядағылар" − кемінде 60 балл; ұлттық жоғары оқу орындарына түсу үшін – кемінде 65 балл, басқа ЖОО-ларға түсішілер үшін шекті бал -кемінде 50 балл.

"ҰБТ-2023 аяқталғаннан кейін осы жылдың 31 қазанына дейін бейнежазбаларға талдау жүргізіледі. Тыйым салынған заттарды пайдалану және ережелерді бұзу фактілері анықталған жағдайда ҰБТ қорытындысы жойылады.

Негізгі тестілеу 5 маусымға дейін жалғасады. Оны биылғы түлектер тегін тапсырса, қалғандары 4230 теңге төлеуі керек.