Қазақстанда жаңа 500 теңгелік қағаз ақша айналымға шықты

ERNUR.KZ. Қазақстан Ұлттық Банкі 2025 жылғы 25 желтоқсаннан бастап жаңа дизайндағы номиналы 500 теңгелік банкноттарды айналысқа шығарады, деп жазады azattyq-ruhy.kz.

Ұлттық банктің мәліметіне сүйенсек, бұл «Сақ стилі» сериясымен шыққан бесінші банкнота.

«Жаңа ақша 2026 жылдың екінші тоқсанында жаппай айналымға шыға бастайды. Себебі ақшаны еліміздің барлық өңіріне жеткізу үшін және банкоматтар, терминалдар және басқа кассалық техника тәрізді жабдықтарды бейімдеу үшін қосымша уақыт қажет», - деп хабарлайды Ұлттық банк.

Жаңа 500 теңге 2017 жылы шыққан 500 теңгемен екі жыл бойы қатар айналымда жүреді. Ескі 500 теңге 2027 жылдың желтоқсанында айналымнан шығады.