Қазір оқытуды 747 оқу орталығы жүзеге асырып жатыр.
ERNUR.KZ. Мәжіліс депутаты Гүлдара Нұрымова жүргізуші куәлігін беру тәртібін қатайтуды ұсынды, деп жазады tengrinews.kz.
Ол жүргізуші куәлігін беру ережелеріне қойылатын талаптарды күшейту қажеттігі туралы премьер-министрдің орынбасары Роман Склярға депутаттық сауал жолдады.
"Елімізде жыл сайын 13 мыңнан асажол апаты тіркеледі, онда екі мыңнан астам адам қаза тауып, 18 мыңнан астам адам жарақат алады. Апаттық көрсеткіштердің жыл сайынғы өсуі алаңдатарлық үрдіс. Биыл ЖКО саны тоғыз пайызға өсіп, 21 пайызға көп адам қаза тапты", - деді депутат мәжіліс отырысында.
Нұрымова теориялық және практикалық емтихандарды өткізу бойынша тіркеу-емтихан бөлімшелерінің (ҚР Ішкі істер министрлігі) функциялары 2019 жылы "Азаматтарға арналған үкімет" Мемлекеттік корпорациясына берілгенін атап өтті.
"Қазір оқытуды 747 оқу орталығы жүзеге асырып жатыр. Осы деректердің барлығы жүргізушілерді даярлаудың оқу процесінің ресми түрде өтуіне әкелді. Сертификаттарды басып шығаратын материалдық-техникалық базасы жоқ мектептер саны өсті", - деді ол.
Депутат ұсынады:
- Жүргізуші куәлігін алғаш алған жүргізушілер үшін онлайн және өзін-өзі даярлау мүмкіндігін алып тастау немесе емтихан тапсыру процесіне қойылатын талаптарды күшейту.
- Аудан орталықтарында емтихан тапсыруға мүмкіндік беруді ескере отырып, арнайы ХҚКО-ларда емтихан қабылдау тәртібін қайта қарау.
- Жүргізушілерді даярлаудың мемлекеттік стандарттары мен ережелеріне ревизия жүргізу.
- Өзін-өзі реттейтін ұйымдар мен кәсіптік бірлестіктерді, сондай-ақ "Атамекен" кәсіпкерлер палатасын тарта отырып, автомектептердің бақылауы мен жауапкершілігін арттыру.
