Дана Тлеуп есімді әйелдің айтуынша, әріптесі Темірлан екі қолына да жеке ақпараты бар чипті салып қойған.
видеодан скриншот
ERNUR.KZ. Әлеуметтік желілерде қазақстандық ер адамның қолына домофон кілтін, жеке ақпаратын және жұмыс түйіндемесін чипке салдырған видеосы пайда болды, деп жазады stan.kz.
Дана Тлеуп есімді әйелдің айтуынша, әріптесі Темірлан екі қолына да жеке ақпараты бар чипті салып қойған. Кадрда Темірлан алдымен чиптердің тері астындағы қай жерде орналасқанын көрсетіп, содан кейін әр чиптің ішіндегі ақпаратты егжей-тегжейлі сипаттап бергені көрсетілген. Ер адам сол қолына домофон кілтін, ал оң қолына жеке ақпараты мен түйіндемесін салып қойған. Ол телефонын оң қолына қойған кезде барлық жеке ақпараты бірден экранда пайда болып, оны лезде хабарлама арқылы жіберуге мүмкіндік берді.
"Бұл өте қорқынышты, сен мені таң қалдырып тұрсың. Өзіме осындай нәрсе жасаудан қорқамын. Мен мұны істемес едім", – деді Дана.
Қазақстандықтар бұл деректерді сақтау әдісіне күмәнмен қарап, оны насихаттауға болмайтынын және мұндай технологиялық жетістіктердің жақсылыққа әкелмейтінін атап өтті.
“Сандық құлдық алыс емес”, “Қойшы, олар тіпті тістерді дұрыс емдей алмайды, бөгде денені имплантациялауды айтпай-ақ қой", “Ыңғайлы” деген желеумен ақымақтық жасап жатсыз. Осындайлардан кейін ертең заңмен міндеттеп қояды”, – деп жазды желідегілер.
