Қазақстандық студенттердің Ресейге кіруіне уақытша тыйым салынды

ERNUR.KZ. Ресейде оқитын қазақстандық студенттердің федерация аумағына кіруіне уақытша тыйым салында, деп жазады Stan.kz.

Елшіліктің хабарлауынша, Ресей тарапымен келіссөздер жүргізуде.

"Мүмкін келесі аптада жауап алынады, ол туралы біздің ресурстарымызда хабарланатын болады", - деп Қазақстан Республикасының Ресей Федерациясындағы елшілігі парақшасында жазба жариялады

Студенттерден елшілік туындаған форс-мажор жағдайына жанашырлықпен қарауды, сабырлы болуды және дүрбелеңге берілмеуін сұрайды.

Ресейдің премьер-министрі Михаил Мишустин бұған дейін әр аймақ келесі оқу жылының форматы туралы эпидемиологиялық жағдайға байланысты 20 тамызда дербес шешім қабылдайтынын хабарлады.

Ресейге келген студенттер, келгеннен кейін 10-12-ші күні екі апталық карантинді сақтап, вирустық тексеруден өтуі керек.

Елге кіре алмағандар үшін университеттер онлайн сабақтарға кіруге мүмкіндік береді. Ресей Федерациясының ғылым және жоғары білім министрі Валерий Фальков университеттер оқу жылының басын екі айға ауыстыруға құқылы екенін атап өтті.

Сонымен қатар, Ресейдің жоғары оқу орындарының 92% -ы 1 қыркүйектен бастап оқу жылын бастауға дайын.