Самарқандта тәртіп сақшылары Қазақстаннан келген туристерді ұстап, электршокермен ұрған болатын.
иллюстрациялық фото
ERNUR.KZ. Сыртқы істер министрлігі Өзбекстандық полицейлердің қазақстандықтарды электршокермен ұрған жағдайға қатысты пікір білдірді, деп жазады tengrinews.kz.
"Қазақстанның Сыртқы істер министрлігі жағдайды реттеу үшін хат жолдады. Біз өз азаматтарымыздың құқығын қорғаймыз. Әлеуметтік желіде Өзбекстанның құқық қорғау органдары біздің азаматтарға электршокер қолданып жатқаны туралы видео тарағанын көрдік. Өзбекстан тұрғындары бұл жағдайды қызу талқылап жатыр", - деді Сыртқы істер министрлігінің ресми өкілі.
Ведомство өкілдері жағдай бақылауда екенін айтты.
"Қызметтік тексеру басталды. Оқиғаға қатысы бар қызметкерлер жұмыстан шеттетілді. Біз тек азаматтарымызды қорғаудың бір бөлігін қадағалап отырмыз", - деп толықтырды министрліктің баспасөз қызметі.
Еске салайық, Самарқандта тәртіп сақшылары Қазақстаннан келген туристерді ұстап, электршокермен ұрған болатын. Ішкі істер министрлігі бұл дерек бойынша қызметтік тексеріс жүргізіліп жатқанын хабарлады.
