Қазақстанға келгендерден кеткендер көп

ERNUR.KZ. 2017 жылы Қазақстанға келгендер мен кеткендердің айырмасы 16 081 адамды құраған. Статистика комитеті келтірген дерек бойынша бұл көрсеткіш елден кеткендер санына қарай ауытқып тұр.

Көші-қон қызметі органдары ұсынған мәліметтерді өңдеу нәтижесінде, 2017 жылғы қаңтар-желтоқсанда елімізге тұрғылықты тұруға келгендердің тіркелу саны 2016 жылғы қаңтар-желтоқсанмен салыстырғанда 20,5% көбейіп, 16 081 адам құрады. Елімізден кеткен көшіп-қонушылардың тіркелу саны 7,8% көбейіп, 37 704 адам құрады, көші-қонның айырымы - 21 623 адам болды.

Еліміздегі негізгі көші-қон алмасуы ТМД мемлекеттерімен болуда.

ТМД елдерінен келгендердің үлесі 72,1%;
ТМД елдерге кеткендердің үлесі 89,4% құрады.

Өңіраралық көшіп-қонушылардың үлесіне еліміздің жалпы ішкі көшіп-қонушылар санының 35,4% кұрады. Ел ішінде көшкендердің басым бөлігі Астана қаласына (36 449 адам) тұрақтаған. Екінші орында Алматы қаласы – 31 775 тұрғынға көбейген. Ақмола облысына Қазақстанның өзге аймақтарынан 1 544 адам көшіп барған.