Қостанай тұрғыны экс-күйеуін асыранды қызына жыныстық зорлық көрсетті деп айыптады

ERNUR.KZ. Қостанай тұрғыны бұрынғы күйеуінің асырап алған 11 жасар қызына жыныстық зорлық-зомбылық көрсеткенін хабарлады. Оқиғаның 7-9 жас аралығында болғаны ата-ана құқығынан айыру үшін сот отырысы кезінде анықталды. Анасының айтуынша, бұрынғы күйеуі өзге де балаларын (қызы мен 17 жастағы ұлы) өзі жоқта қорлап, қорқытып келген, деп жазады azattyq-ruhy.kz.

Сот тағайындаған психологиялық және психиатриялық сараптама қыздың психологиялық жарақат алғанын растады.

Бала болған оқиғаны айтып берген психологпен жұмыс істегеннен кейін қосымша мәліметтер пайда болды. Оның айтуынша, «әкесі» оның аяқтарын белдікпен байлаған. Бірде қарсылық көрсеткені үшін оның саусағын пышақпен кесіп тастаған.

Анасы құқық қорғау органдарына шағымданып, қылмыстық істің бастапқыда қозғалуына қарамастан, Қостанай облыстық полиция департаменті істің тоқтатылғанын хабарлады. Департамент бұл шешім істің барлық мән-жайларын жан-жақты зерттегеннен кейін қабылданғанын түсіндірді