Оқушыларға салтанатты жиындарда шарлар мен көгершіндерді ұшыруға тыйым салынды

0
1 084

Сондай-ақ барлық жалпы мектептік шаралар мектептің өз күшімен тегін өткізіледі.


Оқушыларға салтанатты жиындарда шарлар мен көгершіндерді ұшыруға тыйым салынды

ERNUR.KZ. Мектепте өтетін салтанатты шараларда оқушыларға шарлар мен көгершіндерді ұшыруға рұқсат етілмейді. Бұл туралы жаңа оқу жылы қарсаңында Ы.Алтынсарин атындағы Ұлттық білім академиясы жариялаған әдістемелік нұсқау хатта айтылған, деп жазады sputnik.kz.

Хатта жалпы мектептік салтанатты шараларды өткізуге қойылатын талаптар жарияланған. Олардың арасында "іс-шараларды өткізу кезінде шарлар мен көгершіндерді аспанға ұшырмау" туралы талап та бар.
Сондай-ақ барлық жалпы мектептік шаралар мектептің өз күшімен тегін өткізіледі. Салтанатты жиындарда патриоттық тәрбиеге, мемлекеттік рәміздерге деген құрметке ерекше көңіл бөлінеді.
Жалпы мектептік іс-шараларға мыналар кіреді:
ұлттық және мемлекеттік мерекелерге байланысты шаралар;
еліміздегі атаулы күндер мен маңызды оқиғаларға арналған шаралар;
оқу жылының басталуына, аяқталуына арналған салтанатты шаралар;
олимпиадалардағы, спорттық және шығармашылық конкурстар мен жарыстардағы жетістіктері үшін оқушылар мен педагогтерді марапаттау рәсімдері;
оқушылар мен педагогтардың бастамасы бойынша ұйымдастырылған флешмоб акциясы;
мектептегі әлеуметтік және қайырымдылық жобаларға арналған шаралар;
отбасылармен және мектеп серіктестерімен бірлесіп өткізілетін шаралар;

оқушылар мен мұғалімдердің қатысуымен өтетін көшпелі шаралар.