Парашюті ашылмай қалған сарбаз Ақтаудағы ауруханада көз жұмды

- Мұратжан Жамауов кеше, 1 қыркүйекте Маңғыстау облыстық ауруханасында қайтыс болды. Дәрігерлер қолдан келгеннің бәрін жасады, бірақ кеше, 1 қыркүйекте Маңғыстау облыстық ауруханасының жансақтау бөлімінде науқас қайтыс болды. Марқұмның отбасына көңіл айтамыз, - дейді облыстық денсаулық сақтау басқармасының баспасөз қызметі.

Ақтауда парашюті толық ашылмағандықтан әскери қызметкер зардап шекті. Оқыс оқиға жоспарланған парашютпен секіру жаттығуы кезінде болған.

Жарақат алған парашютшінің әріптестері секіру сәтін видеоға түсіріп алған. Видеоны әскери қызметкердің анасы Күлжахан Жамауова ұсынды. Ол ұлының жерден берілген бұйрықтарды ести алмағанын, өйткені төменде дауыс зорайтқыш болмағанын айтты.

Кейіннен ақтаулық тәуелсіз сарапшы жарақат алған парашютші сарбаз жерден айғайлап берілген бұйрыққа жауап бермеді деген ақпарға түсініктеме берді. авиациялық техникалық спорт клубының (АТСК) бұрынғы аға десантшы нұсқаушысы Алексей Оскин, тіпті адамның мегафонмен айтқан сөздері жерден 100-150 метр қашықтықтан ғана ести алатындығын айтты.