Петропавлда 21 жастағы ер адам өзенге жасырынамын деп үсіп қалған

0
185

​2 сәуір таңертең әлеуметтік желілерде Солнечный шағынауданында ер адам қатты тоңғаннан көз жұмғаны туралы ақпарат пайда болды.


Петропавлда 21 жастағы ер адам өзенге жасырынамын деп үсіп қалған

фото: Midjourney

ERNUR.KZ. Петропавлда 21 жастағы ер адам мұздай суда жасырынып қаза болды, деп жазады tengrinews.kz.

2 сәуір таңертең әлеуметтік желілерде Солнечный шағынауданында ер адам қатты тоңғаннан көз жұмғаны туралы ақпарат пайда болды. Алдын ала мәліметтерге сәйкес, ол ұрлық жасады деген күдікпен іздестіру кезінде өзендегі мұздай суға түсіп, біраз уақыт бойы полициядан жасырынғаны айтылды.

Солтүстік Қазақстан облыстық Полиция департаментінің баспасөз қызметі ер адамның қаза болғанын растады, бірақ оқиғаның толық мән-жайын ашып айтпады.

"2 сәуірге қараған түні жедел жәрдем көлігінде Петропавлдың 21 жастағы тұрғыны қайтыс болды. Ол Солнечный ауылының бұрылысына жақын маңда табылған. Денесінде зорлық-зомбылық белгілері анықталмады. Қазіргі уақытта оқиғаның барлық мән-жайы мен себептерін анықтау үшін тергеу жүргізіліп жатыр", – деп хабарлады облыстық Полиция департаментінің баспасөз қызметі.
Солтүстік Қазақстан облыстық жедел медициналық жәрдем орталығының директоры Юрий Белоног берген мәлімет бойынша, жігіт дәрігерлер келгенге дейін көз жұмған.
"Қарау кезінде жүрек қызметі мен тыныс алу белгілері болмады. Ең ауыр деңгейдегі кома тіркелді. Реанимациялық шаралар нәтиже бермеді, биологиялық өлім анықталды. Реанимация оқиға орнында жүргізілді. Ол жедел жәрдем көлігінде болған жоқ", – деді Юрий Белоног.