1 сәуірде түнгі сағат 00:45 шамасында ер адам мотоциклмен Bypass Rd тасжолында асқан жылдамдықпен келе жатып, тізгінге ие бола алмай, бағанаға соғылған.
Фото: @novostiphuketa
ERNUR.KZ. 1 сәуірде Пхукетте Қазақстан азаматы жантүршігерлік жол апатынан қаза тапты. Бұл туралы таиландтық БАҚ жазып жатыр, деп жазады tengrinews.kz.
БАҚ мәліметінше, 1 сәуірде түнгі сағат 00:45 шамасында ер адам мотоциклмен Bypass Rd тасжолында асқан жылдамдықпен келе жатып, тізгінге ие бола алмай, бағанаға соғылған. Ауыр жарақат алған адам оқиға орнында көз жұмды.
Алғашында оның жеке басын анықтау барысында "ресейлік турист" деп болжанған. Себебі оның ұялы телефонының экранында орыс тіліндегі жазулар болған.
Алайда кейіннен оның Қазақстан азаматы екені және Таиландта тұрып, жұмыс істегені анықталды.
Қазақстанның Сыртқы істер министрлігі қазіргі уақытта марқұм туралы ресми расталған ақпарат жоқ екенін мәлімдеген.
![](/assets/thumbnails/9d/9de21c765ddd3bac6caa131b8f65f060.jpg ""Өте көп қарғыс алған адаммын... Сол қарғыс бала-шағама тиді"")
![](/assets/thumbnails/96/96b2c9126416d9958904712a35ba6d2f.jpg ""Анам күнде кешірім сұрайды": қайтыс боп кеткен атасын кешіре алмаған қыз оның қатыгездігін айтып берді")
