Халықтың 80 проценті цифрлық қызметтерді пайдаланады.
фото: Sputnik / Владислав Воднев
ERNUR.KZ. Ресей үкіметі басшысының орынбасары Дмитрий Григоренко Қазақстандағы цифрландыру жұмысын жоғары бағалады, деп жазады sputnik.kz.
Григоренко Қазақстанға сапармен келді. Бүгін ол премьер-министр Олжас Бектеновпен кездесті. Тараптар цифрландыру мәселесін талқыланды.
"Қазақстан посткеңестік аймақта ғана емес, жалпы әлем бойынша цифрландыру жұмысын өте жақсы атқарып жатыр. Бұл жерде мемлекеттік қызметтердің басым бөлігін цифрлық форматта алуға болады. Электронды құжаттар да бұрыннан бері қолданылады. Халықтың 80 проценті цифрлық қызметтерді пайдаланады. Қолма-қол ақшаны да көп ұстамайды, бәрін электронды түрде төлейді. Бұның бәрі Қазақстандағы цифрландыру деңгейінің өте-өте жоғары екенін көрсетіп отыр",-деді Григоренко журналистерге берген сұхбатында.
Осы орайда Ресей премьерінің орынбасары өзара тәжірибе алмасу мүмкіндігі үшін алғысын білдірді.
"Қазақстанда да, Ресейде де жақсы шешімдер бар. Онымен өзара алмаса аламыз. Себебі цифрландыру көп нәрсені жеңілдетеді, сондай-ақ бюрократияға қарсы ең тиімді құрал болып саналады. Бүгінде кез келген елде цифрландырудың басты мақсаты – мемлекеттік қызметтердің сапасын барынша арттыру", - деп атап өтті Григоренко.
Оның айтуынша, Ресейде 1 600-ден астам мемлекеттік қызмет цифрлық форматқа ауыстырылған.
"Ол жағынан Қазақстаннан көріп алатын нәрселер бар, өзіміз де тиімді шешімдерді ұсына аламыз",-дейді Григоренко.
![](/assets/thumbnails/d5/d56dfc3ade68a831354ddfcf6083b62e.jpg ""Әкем анамды адам құрлы көрмейтін": бойжеткен өз әкесіне деген ренішін айтты")
