Рудный қаласында түзету мекемесінен қашқан екі жасөспірім табылды

ERNUR.KZ. Бұған дейін де 15 жастағы жасөспірім қашып кеткен болатын, деп жазады inbusiness.kz.

Оларды іздестіруге 20 бірлік техника, 53 полиция қызметкері, 15 ерікті, сондай-ақ Рудный қаласының тұрғындары жұмылдырылған. Күні бойы қаланың көшелері мен саяжайлары тексерілді.

Іздеу іс-шаралары сол сияқты Қостанай ауданының жақын ауылдарында жалғасты. Өйткені жасөспірімдерді Сергеев және Константиновка ауылдарында соңғы рет көрген.

Полиция департаменті олардың аман-есен табылғанын хабарлады.

Бұған дейін 7 сәуірде Рудный қаласында полицияға "Ерекше білім беру қажеттіліктері бар отбасын қолдау орталығы" екі тәрбиеленушісінің жоғалып кеткені туралы жазған болатынбыз.