Шатырдағы балалар: Ақтауда жасөспірімдердің қауіпті ойыны түсірілген видео тарады

фото: видеодан

ERNUR.KZ. Ақтаудағы Green Park тұрғын үй кешенде шатыр үстінде жүгіріп жүрген жасөспірімдер видеоға түсіп қалды, деп жазады azattyq-ruhy.kz.

Бейнежазба әлеуметтік желілердің бірінде жарияланды. Онда 17-шағынаудандағы «Green Park» тұрғын үй кешенінің шатырында үш баланың жүгіріп жүргенін круге болады.

Жергілікті полицейлер мәліметінше, 2022 жылғы 23 мамырда сағат 19:45-те «102» кезекші бөліміне 17-шағынаудандағы «Green Park» тұрғын үй кешенінің шатырында балалардың жүгіріп жүргені туралы қоңырау түскен.

«Шақыру бойыншаоқиға орнына ювеналды полиция қызметкерлері жіберілді. Бірақ олар жеткен кезде шатырда ешкім болмаған», - деп хабарлады облыстық полицияның баспасөз қызметі.

Қазіргі уақытта полиция қызметкерлері кәмелетке толмағандардың жеке басын анықтап жатыр.

«Бүгінгі күні шатырға кіретін есік жабылды», - деді полицейлер.